Sentyabrın 18-də Azərbaycan Milli Xalça Muzeyində “Samovarın tarixi və samovar çayının faydaları” mövzusunda mühazirə təqdim ediləcək.

Muzeydən AZƏRTAC-a bildirilib ki, Əməkdar mədəniyyət işçisi, Azərbaycan Milli Kulinariya Mərkəzinin prezidenti, professor Tahir Əmiraslanovun təqdim edəcəyi mühazirədə samovarın tarixinə dair mübahisəli fikirlərə aydınlıq gətiriləcək, həmçinin samovar çayının insan orqanizminə faydalarından bəhs olunacaq.

Karantin qaydalarına əsasən, mühazirə iştirakçılarının sayı 10 nəfərdən artıq olmamalıdır. Bunu nəzərə alaraq, iştirak etmək istəyənlər https://forms.gle/KPoJeoAn1Qjmd9zF6 linkə daxil olaraq öncədən qeydiyyatdan keçə bilərlər.