12-01-2018 06:25:02

Qadın sablyaçılarımız ABŞ-da təlim-məşq toplanışında iştirak edəcək



Azərbaycanın qadın qılıncoynadanlardan ibarət milli komandası yanvarın 15-də ABŞ-a yollanacaq.

Azərbaycan Qılıncoynatma Federasiyasından bildirilib ki, sablya növündə yarışan idmançılarımız yanvarın 16-24-də ABŞ-ın Nyu-Cersi şəhərində Fikrət Vəliyevin rəhbərliyi altında təlim-məşq toplanışında iştirak edəcəklər.

Toplanış yanvarın 26-28-də ABŞ-ın Baltimor şəhərində təşkil olunacaq qadınların dünya kuboku seriyasından sayılan “A” kateqoriyalı turnirə hazırlıq xarakteri daşıyır.

Yığmanın üzvləri həm fərdi, həm də komanda yarışlarında iştirak edəcəklər.

 

AzərTac İnformasiya Agentliyi (www.azertag.az)

Xəbər 9 dəfə oxunub
All rights reserved.